ინგრედიენტები: 

1. ჩიას პუდინგის ფენა:

• 3 სუფრის კოვზი ჩიას თესლი
• 1 ჭიქა (240 მლ) რძე 
• 1/2 ჩაის კოვზი ვანილის ექსტრაქტი
• 1-2 ჩაის კოვზი თაფლი ან შაქარი

2. გოგრის პიურეს ფენა:

• 1/2 ჭიქა (დაახ. 120 გრ) მოხარშული/გამომცხვარი გოგრის პიურე (დარწმუნდით, რომ გაციებულია)
• 1/4 ჭიქა (60 მლ)  რძე
• 1/2 ჩაის კოვზი დარიჩინის, მიხაკის, ჯანჯაფილის ნარევი
• 1-2 ჩაის კოვზი შაქარი

მომზადების წესი:

ეტაპი 1: ჩიას ფენა

1. პატარა ქილაში ან ჭიქაში შეურიეთ ჩიას თესლი, რძე, ვანილის ექსტრაქტი და დამატკბობელი.
2. კარგად მოურიეთ, დაახლოებით 1 წუთის განმავლობაში, რომ თესლი თანაბრად გადანაწილდეს.
3. დააფარეთ თავსახური/ცელოფანი და შედგით მაცივარში მინიმუმ 4 საათით, ან უკეთესია - მთელი ღამით, სანამ არ გასქელდება ჟელეს კონსისტენციამდე.

ეტაპი 2: გოგრის პიურეს ფენა

1. ცალკე თასში ან ბლენდერში შეურიეთ გოგრის პიურე, რძე, სანელებლები და დამატკბობელი.
2. კარგად აურიეთ (ან დააბლენდერეთ), სანამ არ მიიღებთ გლუვ და ერთგვაროვან კრემს. თუ ძალიან სქელია, დაამატეთ ცოტა მეტი რძე.

ეტაპი 3: აწყობა

1. როდესაც ჩიას პუდინგი მზად იქნება, გადაიტანეთ ჭიქებში.
2. ზემოდან თანაბრად დაასხით გოგრის პიურეს ფენა.
3. მორთვა: შეგიძლიათ მოაყაროთ დარიჩინი, დაუმატოთ თხილი, გოგრის თესლი ან პიტნის ფოთოლი

✨ რჩევა: წინასწარ მომზადებული ჩიას პუდინგი მაცივარში 3-4 დღე ინახება, ასე რომ, შეგიძლიათ მოამზადოთ დიდი რაოდენობით!