ინგრედიენტები:

4 ც კარტოფილი 

2 ს/კ არაჟანი 

200 გ ყველი ჩედარი 

1 ს/კ ზეთი 

100 გ მწვანე ხახვი  

4 ც ფირფიტა ბეკონი 

მარილი, პილპილი გემოვნებით 

მომზადების წესი:

საცხობ ფორმაზე მოათავსე კარგად გარეცხილი კარტოფილი, ზემოდან გადაუსვი ზეთი, მოაყარე მარილი და პილპილი და მოათავსე 200 გრადუსზე გახურებულ ღუმელში 20-25 წუთის განმავლობაში.  

პარალელურად, ტაფაზე შებრაწე წვრილად დაჭრილი ბეკონი.  

გამოცხობამდე 2-3 წუთით ადრე კარტოფილი გაჭერი შუაში და გულში ჩაუდე ჩედარის ფირფიტა და ზემოდან მოაყარე წვრილად დაჭრილი ბეკონი. 

გამომცხვარი კარტოფილი გადაიტანე თეფშზე, ზემოდან მოასხი არაჟანი, მოაყარე მწვანე ხახვი და მიირთვი გემრიელად.